Kreu i PL, Ilir Meta në një deklaratë për mediat tha se askush nuk do të prekë votën e qytetarëve në zgjedhjet e 14 majit, ku paralajmëroi se nëse kjo ndodh atëherë do mbahet përgjegjësi.
I pyetur nga gazetarët, lidhur me regjistrimin e PD në zgjedhje pasi ende nuk ka marrë konfirmimin nga KQZ, Meta tha se në ditën e votimit PL dhe opozita e vërtetë do jetë në kutitë e votimit.
Si e gjykoni faktin që PD rrezikon të mbetet jashtë zgjedhjeve?
Meta: Çdo institucion që udhëhiqet nga Kushtetuta dhe ligji meriton vlerësimin më të mirë nga qytetarët e vendit. Nuk dua të hy në çështjet procedurale, pasi qëndrimi im mbetet respekti i vullnetit të anëtarëve të PD i cili është demonstruar në mënyrë transparente përmes foltoreve dhe në zgjedhjet e pjesshme. Çmenduritë të regjimit të Ramës i di çdo qytetar i vendit por dhe opozitarët, pra mënyrën sesi ai pengoi regjistrimin në Gjykatë. Në 14 maj PL dhe opozita e vërtetë do të jetë në kutitë e votimit. Askush nuk do prekë votën, ndryshe do mbajë përgjegjësi. Për shkak të krimit dhe korrupsionit, ne jemi të parët ku njerëzit ikin me vrap për të rrezikuar veten.